【小創夢家】學界飛人 – 黃卓熙

小學四年級嗰陣，卓熙已經發現自己喺短跑方面嘅潛能。雖然初初起跑反應慢，但係老師睇得出佢後勁凌厲，所以就被選入學校田徑隊。直到中二得到教練嘅啟發，同老師嘅支持，佢先開始認真向田徑方面發展。

卓熙以前讀書成績唔係太理想，仲試過搞到留班，不過做咗運動員之後，佢對自己嘅信心同期望高咗，亦都開始明白讀書嘅重要性，而家佢就將對短跑嘅熱誠，放喺讀書方面，希望可以有顯著嘅進步 ！

運動員嘅生涯好短暫，而且一旦受傷，仲會產生好大嘅挫折感，要一直堅持落去唔係容易嘅事，所以卓熙希望有能力嘅時候，努力嘗試挑戰自己嘅極限，將來代表香港出戰奧運。

影相當日，天氣都幾差，天色昏暗又落住雨粉，不過卓熙依然要繼續練習。攝影師要求佢扮個起跑pose影相，佢依然好認真咁度好晒位，做好準備就好似粒子彈咁彈咗出去，叫都叫唔停，我哋怕佢嘥力，但係佢教練就話：「佢係咁架喇，做咩都想做好佢！」或者就係要咁性格，先可以煉成一個「飛人」。卓熙，加油！

「學界男女神」唔止要睇盡中學界靚人，仲要殺入大專界！

所以無論你係讀緊中學定大專，只要你認為自己或者身邊嘅同學仔有呢個資格，都可以自薦或推薦俾我哋!

參加方法好簡單，只要將想推薦嘅同學，或者自薦人嘅facebook ，tag喺下面 “Comment”嘅位置； 再將參加者及提名人嘅姓名、年齡、就讀學校、個人專長、聯絡電話，仲有一個月內影嘅近照兩張(全身及正面)，喺學界男女神facebook專頁 inbox或電郵到[email protected]俾我哋；如果成功通過編輯部審核，就有機會成為「學界男女神」!

「學界男女神」，等緊你嚟挑戰!

撰文: Joanne

攝影:Paul Choi

拍攝: Anthony Leong

剪接:Candy

美術:C.Ming

Hair+Makeup: Jeffery@EM Makeup

※如欲率先接收資訊，請讚好我們的FB專頁並於「已讚好/Liked」選單設定「搶先看/See First」，多謝支持。