小學畢業禮物棄公仔 改送班相膠座 港媽暴怒：有家長將個座放左上神檯當拜神！

撰文：JM |圖片：Facebook專頁《家長 Secrets》截圖、Shutterstock

學校送印相膠座做畢業禮物 惹家長不滿

這兩年來，受到疫情影響，小朋友的畢業典禮可說得上是得來不易。有網民媽媽在Facebook專頁《家長 Secrets》中表示，早前小朋友小學舉行畢業典禮，以往每年都會送上一隻繡上學校名字同畢業年份的公仔作畢業禮物，但今年卻改為送上印有班相的膠座。

批評膠座作畢業禮物不夠紀念價值

這位媽媽表示，當時收到這份膠座「大家收到都呆左」，因為學校老師曾向家長表示不用訂公仔，因為學校送的公仔獨一無二，更有紀念價值。結果今年改了畢業禮物，影相沒有公仔，很多家長將膠座拿回家後都不知道該如何處理。

媽媽憤怒表示「點解你地唔問下其他家長意願先取消隻公仔呢，試既點解要係家教會今年冇人小朋友畢業既年份嚟試呢」，認為畢業禮物換成膠座導致小朋友極度失望。最憤怒的是有家長將印有班相的膠座放在神檯上「夜晚仲有人影相放上班群組，係小朋友個家人將個座放左上神檯，前面有個香爐」，批評「到底家教會收左幾多錢回佣，先會決定整舊咁既野」，更表示「你地幾個人既決定就要百幾人接受，完全冇問過家長意願，拎張神檯相問學校問家教會，就只係推卸責任，話控制唔到人地點放個舊野，咁你拎我小朋友張相印時唔諗下家長願唔願意比小朋友既相你地用，真係堅嬲。」

網民認為畢業禮物有照片 有紀念價值

不過，有網民認為，其實膠座有齊同學、校長和老師的照片，很有紀念價值，比起公仔紀念價值更加大，認為其實是家長與家教會溝通問題，家教會的確應該先和家長溝通才下決定。

（圖片來源：Facebook專頁《家長 Secrets》截圖）

網民表示畢業禮物種類並非問題 反而是惡搞的家長本質問題

亦有網民認為，其實最大問題是放上神檯惡搞的家長，是家長本質問題，與學校無關，亦認為「公仔佢一樣可換左第二個小朋友名再放上神檯」。