留學變網課 家長苦惱 專家：網課成新趨勢 免簽證、低成本入讀

媽媽苦惱供阿仔留學 卻變網課

「Kiki，我個仔Jackson 講話佢哋間學校（美國某高中）有啲堂要上網課喎。我特登送個仔去美國讀書，但有啲堂要上網課⋯⋯」Jackson 媽媽猶豫了一會：「其實咁好唔好嫁？我原本唔係想咁樣嫁喎。」其他家長紛紛點頭表示贊同。

我當然明白 Jackson 媽媽擔心什麼，作為家長，花了不少心力把兒子送到美國讀書，但有些課堂卻採用網課模式，究竟我所花的金錢、心機又是否值得？

再者，雖然疫情期間的確有不少學校採用網課教學模式，但畢竟以往課堂都是面授，怎能透過網絡就可以學好呢？

當地學校實證網課維持出席率

「我好明白你嘅感受，」我說：「當初好多學校因為疫情而上網課，點解疫情過後有啲學校仲Keep 住有網課呢？其實我都有定期同美國嘅學校聯絡。初時佢哋都擔心學生會唔適應，又或者達唔到面授嘅效果，但結果有唔少學校都話網課效果幾好咁喎，所以有某啲課堂 Keep 到宜家。」

「啲學生嘅成績冇差咗咩？」另一位家長問。

「佢哋話好多學生都可以保持3或4 GPA嘅成績，而且網課仲可以幫助學生維持出席率。」

其中一位家長C 問道：「國際學生或者香港嘅學生都可以參加？」

「可以！呢個正係網課嘅優點之一，可以跨越地域限制進行。」我說。

媽媽：上課網唔使去美國都有學歷啦

「我突然醒起有個朋友，佢出年想送個囡去美國讀書，」家長C接著說：「上網課咪可以唔使去美國都攞到美國高中學歷囉？！」

這個說法沒錯，可我們經常強調外國升學是一個對學習和生活新的體驗，網課的確可以取得美國高中學歷，但對於入住寄宿家庭的體驗、參與校內外活動、體驗當地文化⋯⋯這些似乎不太能透過網路獲得。因此，我反而認為網課能令學生有更多時間體驗當地的生活，彈性更大，更能訓練同學的自我管理能力。

網課不需簽證 省住宿費

可是，能夠不需要美國簽證也可報讀美國的高中課程，這點的確很吸引；而且選擇網課的費用相對較少，因省去了住宿費和生活費等費用，這對於預算有限的家庭來說是一個不錯的選擇。

「宜家疫情過後仲有冇美國嘅高中完全上網課？」家長C 問。

「有呀，不過當然間間學校唔同，有啲學校見反應唔錯就Keep 住有Online Class。呢個有可能會成為未來教育嘅趨勢，就好似疫情期間多咗好多人網購一樣，即使疫倩過後依然會網購，因為佢哋嘅習慣已經改變咗。」

「我覺得網課有好大潛力，或者會成為未來教育嘅一種新模式。」我說道，「除咗可以幫助學生好方便咁學習，仲可以跨越地域限制，更重要嘅係令更多人可以接觸到唔同國家嘅教育資源。當然，都唔代表傳統課堂會完全消失，因為有啲實體課堂嘅互動同實踐係必需嘅。但係喺某啲情況下，網課可以為學生提供更好嘅學習體驗，我認為係多一個選擇俾家長同同學㨂，而唔係要取代。」

專家：網課愈來愈重要

我明白不論家長或同學，都需要時間接受這個新的敎育模式。可隨著科技的發展、時代的轉變，網課將會扮演著越來越重要的角色。雖然網課的確帶來了便利和節省成本的好處，但對於學生的學習體驗和生活經歷，仍然是不可替代的。因此，當考慮子女的升學選擇時，需要充分了解各種因素，做出最適合自己的選擇。

16歲到美國留學，於美國攻讀六年，畢業南加洲大學（Universtiy of Southern California）Marshall商學院創業系，以親身經歷為海外升學領航。過往八年間協助超過百位香港同學融入美國、升讀大學，為留美同學於當地取得當地工作，並入職500強企業。正職為升學顧問，開辦美華文化升學，副業與新朋舊友把貓談心，與家長同學論盡美國一二事。