在港長大綠卡少女 面對留學兩難 1選擇憑努力GPA爆4 繼續學業夢
綠卡少女媽媽打開融入美國校園生活第一步
如果這也是你心裡的疑問，相信Eva 的故事會對你有所啟發。數年前，在一次實體升學講座裡，一位身材高挑，皮膚白晳的女士走過來。
「Kiki，啱啱聽完講座，有樣嘢想問，我嗰囡Eva揸綠卡，想返美國讀書。但覺得呢個交流生計劃又幾適合，唔知可唔可以用呢個身分參加呢？」
當刻，我真心佩服這位媽媽，在不知道是否乎合資格的情況下，竟然坐在台下兩個多小時。
「其實無論同學揸美國護照或者綠卡，都可以參加交換生計劃嘅。而綠卡實際上可以俾同學喺美國免費讀當地嘅公立學校，只要提供到住宿地址就可以。」
Eva的媽媽希望了解多一點，便相約幾天後在辦公室見面。
美國升學DIY？邊個抵啲？
「講真，其實我哋都唔喺好熟美國，只喺旅行去過兩三次，所以學術方面唔喺好下到決定。」Eva的媽媽說。
「嗯⋯⋯不如我哋一步一步嚟。正如之前同你講過，喺美國免費讀當地嘅公立學校要提供住宿地址，你哋有冇親戚喺美國，或者有冇咩心水地點？」
「其實Eva嗰阿姨喺美國到住，我哋之前有問過佢，如果Eva 想去美國讀書，佢可以俾Eva 住喺佢嗰度。計埋生活費、學校雜費個啲，每個月俾返800美金佢就得。」Eva的爸爸說。
「咁都幾好喎，咁Auntie喺住邊區？」
原來，Eva的姨姨住在美國洛杉磯的華人區。
「哦！嗰區我都熟，作為一個大學住宿，或者想平平地租屋住，喺一個唔錯嘅選擇。」
「或者咁講，」我接著問Eva：「阿囡你希望喺咩環境讀書？以我對呢區嘅了解，喺呢區生活的確好方便，淨喺講廣東話生活都完全冇問題。不過，同時亦表示冇乜機會講英文；而華人區學校嘅學生多數都喺講中文，即喺話，第時啲同學都係講中文為主。其實每個區都各有特色，真喺睇吓你想要啲咩。」
綠卡少女以學好英文為目標
Eva想了一會，說：
「如果要去美國讀書，我比較想學好啲英文，至少同外國人溝通到。同埋試吓唔同嘅嘢，融入美國嘅生活，感受吓美國嘅文化。」
「其實真喺好難揀，」她媽媽一臉愁容，說：「雖然讀免費學校有佢阿姨睇住，但我哋又唔熟美國啲學校，驚揀錯學校俾個囡。」
綠卡少女陷升學兩難
「嗯⋯⋯咁不如我哋實際返少少，計吓兩條數，睇吓邊個抵啲再做參考呀。」我提議。
「美國交流生計劃喺一個固定嘅金額，基本上包曬所有嘢 – 搵學校、機票、住宿、監護人、保險⋯⋯宜家我哋再計一計，如果DIY報美國嘅公立學校同埋住喺Auntie 屋企，一年費用大約要幾多呀。」
「生活費⋯⋯約幾千美金⋯⋯」
「學生保險⋯⋯約幾百美金⋯⋯」
「機票⋯⋯」
經過一番計算，如果Eva自行報讀當地免費的公立學校，一學年的費用比美國交流生計劃便宜約兩萬港幣。
「你哋可以返屋企慢慢考慮下先，畢竟喺一個重大嘅決定，唔使咁急宜家決定。」
於是，Eva一家便離開了辦公室。
過了大約一星期，我接到Eva媽媽的電話。
「Kiki，我哋之後都有再同Auntie 傾過，我哋問佢識唔識幫我哋搵學校嗰啲，Auntie都話唔喺好識做呢樣嘢，都要搵其他人幫手。如果去到最尾都要搵人幫手，咁不如喺香港搵人幫手啦。」
「同埋我哋都有問過大學Adviser，佢都覺得Eva可以試下住喺當哋嘅寄宿家庭，加強返啲英文先，第時入大學會好啲。」
於是，Eva便參加了為期一年的美國交流生計劃。
率先體驗美國校園生活 交流生計劃可作緩衝期
Eva在美國的高中過得很愉快，很快便融入校園生活，成績也十分出眾，GPA 更是「爆分」（GPA 4）。她亦從一個害羞的女孩，變成一個主動、開朗、活潑的女孩。有一次，她分享說：
「留學前後最大嘅分別就喺認識咗好多唔同嘅人，同埋英文進步咗好多。自己喺香港其實算喺一個怕醜嘅人，但今次留學，令我主動咗好多，敢去同其他人講嘢，溝通方面進步咗唔少。」
我們也很感謝Eva一家的信任，更為Eva的轉變感到高興。
的確，美國公民或持有綠卡的同學擁有權益免費就讀美國的公立學校，但同學同時也要考慮其他因素，例如：最適合自己的讀書方式、將來入大學或工作計劃等，這樣才能好好計劃最適合同學的升學路線。
16歲到美國留學，於美國攻讀六年，畢業南加洲大學（Universtiy of Southern California）Marshall商學院創業系，以親身經歷為海外升學領航。過往八年間協助超過百位香港同學融入美國、升讀大學，為留美同學於當地取得當地工作，並入職500強企業。正職為升學顧問，開辦美華文化升學，副業與新朋舊友把貓談心，與家長同學論盡美國一二事。
