專家：香港學制對海外升學有幫助 全靠「背書」港生他地升學成績佳

我坐在一間咖啡廳等著A太太。A太太的女兒兩年前經我們到美國當交流生，現在已是美國的大學生。我跟A太太可說是志趣相投，漸漸便成了好朋友，偶爾也會出來聚聚。除了A太太，今天的聚會還有她的好友，Esther的媽媽。而當中我跟Esther媽媽的對話，我認為很值得跟大家分享。

16歲女生樂往美國交流 母卻生1疑慮

Esther 今年十六歲，並計劃於八月份出發到美國當交流生。她自小便沉迷美國的文化，經常看美劇，甚至美國的脫口秀、記錄片等等。對Esther來說，美國升學是她期待已久的事倩。可是，作為家長，Esther的媽媽知道很多事情不是靠一股熱誠便能暢通無阻。她便問了一個有趣的問題：

「Kiki，聽講外國嘅學習氣氛好主動，我個女 Esther 會唔會好蝕底嫁？」
「點解咁問呢？」我問。

「雖然 Esther 係好鐘意美國嘅文化，佢嘅聽力都還可以，但講到要同人溝通，佢好似差少少咁囉，平時都冇乜人同佢用英文傾偈，去到個個都講英文，我真係有啲擔心佢會搞唔掂。」

很多港生面對「非母語英文」溝通的心理關口

相信這也是許多香港學生都會面對的困惑：聽和寫英文沒有太大問題，但由於平日慣用廣東話溝通，除了上英文課時，甚少有機會用英文溝通，因此語言是外國升學其中一個最大的心理關口。

「我知道美國嘅學校睇考試唔會睇得好重，如果Esther 上堂唔係好出聲，出嚟啲成績咪會好差囉？咁咪好蝕底？」Esther 媽媽接著說。

原來，Esther 媽媽擔心Esther 的溝通能力會影響課堂表現，從而影響到她的學業成績。

美國學校講求主動 望媽媽設身諒解

「美國嘅學校唔同香港嘅學校競爭咁大，雖然佢哋嘅學習氣氛係比較主動，但都係自由參與，旨在討論嘅過程，而唔係結果。唔係話好似搶答咁，答啱問題就有分，答錯就冇。」我解釋道。

「同埋將心比己，」我接著說：「如果有一位啱啱由外國嚟嘅同學，中文唔係佢嘅母語，你唔會期望佢一講中文就講得好Native。外國嘅老師同同學都係一樣，佢哋會著重同學係咪有嘗試融入課堂。對於香港嘅學生來講，呢個學習氣氛同心態係要適應，畢竟同學係去一個完全唔同文化的地方上堂。」

香港學制令港生有優勢 海外升學成績佳

「其實，香港嘅學生有一樣嘢係比外國嘅學生強！」我說。

Esther 媽媽帶著期待的眼神看著我。

「呢個或多或少要多謝香港嘅學制，就係背書！香港嘅學生係Train到點都識背少少書，呢樣嘢去到外國絕對係一個優勢，事關外國學生係好唔鐘意背書，變咗我哋嘅學生會容易啲跟到進度。」

A 太太和 Esther 媽媽不約而同地點頭。

「所以有唔少香港同學去到外國讀書嘅成績都唔錯喎，就係咁解。」

海外升學緊張寡言屬過程

無論同學選擇到美國、加拿大，或其他國家升學，都是一個過程。一開始同學可能會因為太緊張而寡言，又或者害怕老師追問問題，而沒有發言的勇氣，這都是正常不過。同學慢慢便會習慣在一個陌生的環境跟別人互動，習慣後就會有安全感，繼而變得健談。

「咁我可以做啲咩呢？」Esther 媽媽還是有點不放心。

「⋯⋯」我想了一會：「最緊要係信任仔女，放手俾佢哋去試，去感受吓，俾多啲空間佢哋。我覺得家長可以做一個輔助嘅角色，如果Esther 去到真係有咩困難或者唔適應，你可以做一個聆聽者，對仔女嚟講，有父母嘅支持心理上已經好好多，呢個亦都係我見過咁多個外國升學嘅同學成功嘅一大原因。」
Esther 媽媽喝了一口咖啡，像若有所思，又像是領悟到某些東西。我也沒有再說下去，便讓它們沉澱一下吧。

16歲到美國留學，於美國攻讀六年，畢業南加洲大學（Universtiy of Southern California）Marshall商學院創業系，以親身經歷為海外升學領航。過往八年間協助超過百位香港同學融入美國、升讀大學，為留美同學於當地取得當地工作，並入職500強企業。正職為升學顧問，開辦美華文化升學，副業與新朋舊友把貓談心，與家長同學論盡美國一二事。