麥明詩 反駁要贏心態 輸都有收獲

品學兼優 想做最Top

在第四集《沒有起跑線？》中，請來一位Tessa妹妹，平時讀書係第一名常客，試過一次考第二，就已經好唔開心。人仔細細卻獎狀多多，琴棋書畫樣樣精，而且手執多張Cert如操行獎、品學兼優獎、學業成積優異獎、硬筆書法、小太空人等，學埋溜冰及劍術，仲拎埋金獎！因為佢對自己好大期望，見到人地名校生脈界大開，但幾常自覺是井底之蛙，想每一次都比上一次做得更好，唔想輸！

母後悔女兒讀普通小學

Tessa的媽媽話當初小學冇囡囡報名校，有啲後悔係咪可以好啲︰「例如見好多學校做足準備。但目前只讀新界家附近普通學校，自己有反思是否當時做得唔足夠，不自覺地俾制度牽制住。」Tessa就自言更想早點轉校出市區，早啲適應冇咁緊張，已經為中學做準備，因為已經為讀大學而作打算。妹妹視港姐Louisa為偶像，有好多問題想請教佢，更親身到Louisa家中拜訪。Lousia呢位十優過來人就分享自身經驗，結果卻完全道出了她的成就不是過份催谷迫出來！而且，有時輸過，受一下挫折也有莫大益處！

閱讀更多

※如欲率先接收資訊，請讚好我們的FB專頁：https://www.facebook.com/SundayKiss/，並於「已讚好/Liked」選單設定「搶先看/See First」，多謝支持。

延伸閱讀
十優港姐麥明詩 剖白成材之路
麥明詩 三招讀書秘笈

搵工最緊要滿足

Lousia表示，佢同妹妹都上進型的人，其實人生不一定要常勝，人大了有時遇到挫折反而更能豐富閱歷，她又以自己近日拍劇為例，閱了更多關於進修演技書，指出一位出色的演員，多從複雜的經歷磨練出來，才有今天的成就，所以她鼓勵小妹妹，不要怕輸！Tessa問到Lousia，點解咁高學歷唔做醫生律師等專業人士，Lousia就話自己份工滿足先係最緊要！而Lousia曾在Sunday Kiss訪問中提過︰「香港咁大競爭，與其同人鬥爭，不如諗方法令自己與別不同。」你又認同嗎？

而培養出十優港姐的麥媽媽（Silvia）指，早在Louisa小時候已與她商量過，不希望她花太多時間學到「十八般武藝」於一身，於是讓她選了兩至三樣喜歡的興趣班參加。而學業也一樣，不可以只集中書本上的學習，簡而言之，就是要取得平衡，在學業、課外活動和一家人的天倫之樂，向這三方面平衡發展。