玩劍=面試凍過水？
廣告
教育局有規定，喺小學面試裡面，小朋友係唔可以揸筆應試嘅，所以玩玩具幾乎成為必備環節，最常見嘅應該就係Lego同puzzle啦!
不過面試天后Miss K就話，今年某啲小學有新玩法喎!
話說有學生最近就去咗第一輪小一面試，去到果然有“玩玩具環節“，老師要小朋友隨住自己嘅喜好去揀玩具，然後老師就會因應所揀的玩具提問。
枱面上有豆袋、牧童笛、車仔、劍同埋puzzle。
如果係你，你又會點揀呀? 梗係揀puzzle啦! 表現自己鍾意思考丫嘛! 最好有本書睇tim，咁就可以表現我愛好閱讀，又好學!
咁揀劍，係咪等於gmae over？ 揀車仔，係咪等於神校止步呢？
Miss K話有個同學仔，當時揀咗把劍，跟住就面向牆，向前行行，向後又行行。
老師就問佢點解會揀把劍?
佢就答:『我逢星期六學劍擊，要流好多汗，但我都好鐘意玩。呢度有把劍俾我練習，但因為我同其他同學冇頭盔，所以只可對住牆練吓，係黃sir 教我哋咁做嘅。』
咁你話，勒令小朋友”千祈唔准攞車攞劍玩，記得要攞書睇同砌 puzzle”, 係咪真係最好嘅面試對策？？
(轉自Miss K facebook專頁:Kirbymissk)
