蔡少芬全家總動員 為細女打造「星球戰衣」
廣告
蔡少芬婚後為老公張晉生咗兩個可愛囡囡，現年6歲嘅大女張楚兒（湯圓）同4歲細女張信兒（包子）。蔡少芬夫婦近年頻頻上大陸搏命賺錢，但他們都不忘抽空陪伴兩個女。日前，一家四口合力為細女（包子）整勞作，今次連蔡少芬都神秘咁話呢份勞作唔簡單！
撰文：Sunday Kiss
相片：蔡少芬@FB
蔡少芬全家總動員 為細女打造「星球戰衣」
一直行賢妻良母路線的蔡少芬（Ada）雖然工作忙碌兩地走，但絕對稱得上是個全能好媽媽！Ada唔只親自下廚，仲自己操刀幫兩個女剪頭髮，不時落手落腳同囡囡一齊做勞作，完全親力親為！
日前，蔡少芬喺社交網站上載了一組照片，並神秘留言：「做了兩天，仍未完成！大家猜猜這是什麼東東？湯包爸和湯圓包子都好努力！真的…不是簡單的東西！」
照片中可以見到有各種各樣的材料，電線、電燈泡又顏料，仲有唔少工具，真係睇見都頭痛呀！
兩日後，終於等到蔡少芬再次分享了一組照片來開估，原來今次全家合力為細女打造咗一套「星球戰衣」！
Ada留言：「哇！包子開心到暈了！張晉你真是一個超勵（厲）害的爸爸，還讓星球傳動，哈。。。。！相信大家會喜歡這個太陽系，多過水母裝！對吧！」
大家仲記唔記得「水母裝」呢？就係之前阿女學校舉行派對，佢就整咗一套十分搞怪的「水母裝」，連網友都留言大笑，但蔡少芬就話自己已經盡咗力。
而今次呢套「星球戰衣」，經由超厲害的張爸爸出手相助，又得到網民一致好評，包子今次返學校肯定贏晒！
蔡少芬與張晉結婚10周年 拉埋囡囡影婚照慶祝
適逢結婚10周年，蔡少芬在微博說道：「往後每一日，我們也會繼續堅愛。」以表示愛意。
兩位囡囡非常可愛。
照顧女兒不假手於人
要知道做藝人開工隨時挨更抵夜，有家歸不得，蔡少芬同張晉用足幾日陪囡囡一齊製作親子勞作，在藝人夫婦中能做到這個份上的真的少之又少。Ada坦言一直很喜歡小朋友，十歲已充當「媽媽」角色，照顧初生的表妹。因此現在除了於工作時要交託姨姨照顧，平時也堅持包辦兩女的衣食住行。
