【好物分享】UFIXX SILICONE 黑板貼
廣告
唔知大家細個鐘唔鐘意畫畫呢？靜雞雞話你地知，嶠媽細個同阿妹好鐘意畫畫，但就偏偏唔鐘意畫係紙，係鐘意畫係牆，無錯，婆婆屋企所有牆我地都畫過，除左電視櫃或衣櫃擋住左嘅地方之外，都有我地畫過嘅足跡。小朋友鐘意塗鴉係正常發展來的，但要小朋友坐定定係張凳到，框住佢地要係張畫紙到畫，佢地真係會ok？嶠媽今次發現左一樣好物，可以由得佢地畫，又可以企係到畫，又可以畫牆、畫櫃？
【好物分享】UFIXX SILICONE 黑板貼
今次嶠媽買左 UFIXX SILICONE 黑板貼，配埋 UFIXX 12色柔麗蠟筆、UFIXX 毛毛擦。
首先要記住將底面膠紙撕掉，跟住貼係想貼嘅牆/櫃面，平滑嘅地方就ok，小心貼就可以避免貼到起泡泡！
之後可以選一支蠟筆。
盡力地係黑板貼上畫呀畫！
畫到冇位畫？可以用 UFIXX 毛毛擦擦乾淨！
真係可以擦到好似新嘅一樣，又可以再畫過！
如果畫得太興奮，畫出左張黑板貼都唔洗怕，嶠媽哩種衣櫃面，用濕紙巾就抹得甩！
另外，嶠媽都買多左一張 UFIXX SILICONE 行事曆。
都係要將底面膠撕掉，再貼係牆/櫃面，平滑嘅地方最好！最重要係，行事曆面仲有塊膠面，都要撕掉喔！
都可以用返 UFIXX 12色柔麗蠟筆係行事曆面寫字，寫返個4月嘅月曆先！
再用唔同顏色 mark 返特別事項，4月係劻霖和婆婆嘅生日，16號細佬一歲，仲要打針添喔！
