年廿八大掃除攻略

思高即棄潔廁刷$28

一推一刷 一沖即淨
思高即棄潔廁刷，推出至今，好評如潮，不少用家都力讚好用。其即棄設計，不但唔會沾污雙手，同時唔會藏污納垢，避免滋生細菌，更乾淨衛生。而且內含清潔劑，拆開包裝，推入手柄即可使用，遇水即發揮效力，方便易用，唔使再用任何清潔劑。同時刷頭採用防刮百潔布質料，有效清除頑固污漬，又唔會刮花廁盆表面，加上獨特外形 設計，完全切合廁盆內沿周邊。

使用步驟！

推入刷頭後，輕輕將刷頭沾濕。

然後沿廁盆邊緣刷洗，內含清潔劑會沿邊流出，發揮潔力。

完全刷洗後，一按沖廁，廁盆即時潔亮光鮮，新嘅一樣。

潔廁刷用完後，刷頭會由藍色變為白色，輕輕一推手柄，就可棄掉刷頭，整個過程唔會沾污雙手。

用家評語
「一睇到廣告就已經好想試，用過一次覺得好方便， 已經真係洗得好乾淨，污漬好易清洗，而且又唔會整污糟對手，好好用。不過即棄有少少唔環保，但對於一年先洗幾次廁盆嘅人來講，就好方便，同埋個刷唔會放到發霉，整體都係抵嘅！」

Scott耐洗紙$19.9

多用耐洗廚紙
一般廚紙只可用一次，而且遇水即爛，呢款全新Scott耐洗紙，其3D專利耐洗科技，就算用水沖洗都依然強韌，質地仿如抹布可以重複使用，比一般廚紙耐用4倍，手感柔軟，吸水力更強。耐洗紙更可以搭配清潔劑作多用途家居清潔，每次用完即棄，避免細菌滋生及交叉污染，更乾淨衛生。

手感韌度高，比一般廚房紙更耐用。

可以重複清洗達4次以上，環保好用。

威猛先生去霉劑$23.9

3分鐘除霉去鏽
威猛先生產品係近年主婦至愛，身邊幾位主婦級朋友都極力推介，話好好用，尤其去霉劑，清洗瓷磚、地板等隙縫的霉菌及污漬最掂，只需向污漬處噴灑去霉劑，等5分鐘，用花灑沖一沖就已經好乾淨，想再乾淨啲，可以用濕布揉抹再用水沖洗。記者以廁所難除的水鏽漬作測試，去霉劑只停留3分鐘，用濕布一抹已能去除9成鏽漬，潔力強勁。

去霉劑噴出時呈泡沫狀。

以濕布輕輕一抹，鏽漬立即清除。

原先水鏽漬嚴重，用水及一般清潔劑都難去除，使用去霉劑後，3分鍾就除去9成污漬。

思高廚房潔油抹布 $20.5

免過水去油漬抹布
含天然果酸成分，有效快速溶解油污，用完即棄，無需過水，抽取式設計，方便取用，表面獨有微細立體研磨粒子，可輕易刮除頑固油垢，適用於抽油煙機、爐灶、煮食爐及廚房內其他油污表面。

測試當日，取下工業用抽油煙機的隔層，厚厚嘅油漬一抹即亮，勁！

潔油布還可用作清潔雪櫃門膠邊，輕輕一抹，頑固污漬即除，超級好用。