【廚房清潔】必學！日本達人推介廚房清潔用品+秘技

撰文：主場・日本 @新假期| 圖片來源：電視截圖

01 | 萬能去污清潔膏：「ハイホーム」Hihome

原材料主要是天然的石鹼及珪華石（湯之花），非常有效去除不同地方的污漬，如煮食用具的燒焦漬、鏡、浴缸、餐具等等。

Hihome有點似黏土，入面有粒子很細的研磨劑。

例如，廚房星盆的油漬及水漬。用法非常簡單，戴著膠手套，拿出一點，直接在星盆上擦。

之後用清水沖洗即可！

可以於日本Amazon、Tokyu Hands等地方買到。

02 | 清潔茶漬咖啡漬：鹽+保鮮紙

雖然市面上有好多清潔劑可以去除茶漬及咖啡漬，但買到成屋都係一支支的清潔劑，見到都煩！原來，有個好簡單的方法，可以有效洗走茶漬及咖啡漬……

材料就只係普通的保鮮紙加上食鹽。

首先，將一塊保鮮紙隨便摺成一小塊。

加一點點水，及一點食鹽，像百潔布般擦杯。

轉眼間，污漬就會消失，再用清水洗一下便可以用！

03 | 唔怕洗衫時甩色：Colour & Dirt Collector

應該人人都試過被阿媽或工人洗衫，明明係白色，變咗其他色，喊都冇用！有咗呢張「紙」，真係天下無敵，以後都唔使用手洗白色衫！

呢張紙，係放入去洗衣機同啲衫一齊洗，作用唔係防止彩色的衫甩色，而係吸收晒啲甩咗嘅色，唔會染落白色衫上面！係咪好勁呢？

係咪信唔過呢？（光一都唔信！）所以，節目預備好做個小測試。

Step 1：準備兩杯加咗色素的水，代替從衣物甩出來的顏色。

Step 2：將一塊Colour & Dirt Collector及一塊白色恤衫布放入去其中一杯色素水入面。

Step 3：另一杯色素水則只放白色恤衫布。

Step 4：不停攪動，模仿洗衣機內的狀態。

Step 5：1分鐘之後，將恤衫布拿出來。

結果一目了然！右邊的是放了Colour & Dirt Collector，左邊的是沒有放。

再看看Colour & Dirt Collector，完完全全變了紅色！

右邊放了Colour & Dirt Collector的那杯水變了透明，左邊，當然仍是紅色！

3人都覺得好厲害！長瀨智也表示超級想要！