天貓歲晚優惠 家品、電器、超市貨品抵買攻略@Parent婷
農曆新年前半個月是家庭主婦最忙碌的時候，家居大掃除、為屋企添置新家品⋯⋯時間唔夠用，花錢亦好似倒水一樣。呢個時候，就需要開啟精明眼四出𥄫實邊度有慳錢優惠。最近我在媽媽group見到，有人話天貓做緊歲晚優惠，唔同商品都有購物津貼，有啲買滿$300就減$40，有啲買滿$600就減$30，總之多買多減，我唔執輸，即刻上官網睇吓，一睇不得了，好多嘢想買𠻹！
慳錢慳時間 入手好用小家電
當中最最最吸引我的，就是紫外線除塵蟎吸塵機，想買很久，依家見到竟然只係三百幾蚊，馬上入手！細細部，以高頻次震動拍打進行深度清潔，消除塵蟎，可以在床上使用，以後每星期都可以幫囝囝吸吓張床，唔再怕鼻敏感喇！
仲有⋯⋯仲有，阿女平時最鍾意食麵，一於此買埋部九陽全自動電動麵條機，揉麵、壓麵、製麵，一機搞掂，4個簡單步驟就可以做出6款唔同形狀嘅仿手工靚麵。我打算加啲菠菜汁、紅菜頭汁入去，顏色靚啲，兩個寶貝食得開心又健康，呢七百幾蚊，抵俾！
羽絨被夠輕夠暖 配埋真空收納袋
今年冬天好似比較凍，不如買張羽絨被過新年喇！呢張羽絨含量近80%，size最大有兩米多，一定唔怕搶被。聽講好多5星酒店都用呢個牌子，又輕又暖，諗起都舒服。買得羽絨被，當然要買埋真空收納袋。呢款一套4件，有埋抽氣泵都只係百零蚊，轉季時可以將大褸、羽絨被⋯⋯通通抽真空後收晒入櫃，咁就慳好多地方喇！
講起慳地方，呢款透明收納盒都好實用。款式好多，有轉盤式又有小櫃桶式，都係幾十蚊，一於買返個放喺梳妝枱，咁啲化妝掃、護膚品就「有家可歸」。最鍾意佢透明，想拎邊件，一目了然，唔使周圍搵。
買隻新鑊過新年
身為家庭主婦，廚房就是我的工作室，新年當然都要添置新裝備。我就睇中咗隻不鏽鋼平底鑊，唔黐底，電磁爐同煤氣都用得，直徑成32cm，夠晒一家四口用。呢隻鑊有個紅點在鑊中心，夠熱時，紅點就慢慢消化，鑊夠熱，煮起來就少好多油煙，係咪好用先？
聽其他媽媽朋友講，逢星期三天貓超市仲有特別優惠，全部免運費。想知多啲天貓優惠，記得download淘寶app同關注埋天貓Facebook官方帳號呀﹗等我揀定啲家居清潔用品先，貨一到，就可以開工大掃除。真係慳好多工夫呀！
