靚太OL注意！ Le Creuset 又開倉
撰文︰Esther
圖片︰Le Creuset提供、新傳媒資料室
推出粉紅、粉藍和紫色系
Le Creuset 廚具多顏色及造型，而LC鑄鐵鍋炆燉焗出色，可烹調「無水蒸」、煲仔飯等菜式，炆食物入味，整個可煲放入焗爐及放上餐桌，耐熱保溫又美觀，有不少愛入廚者購入LC。Mega Sale期間，橢圓形鑄鐵鍋$750可入手，而鑄鐵燒烤盤低至$650，而陶瓷貨品如小焗盤及多用途的大小碗碟$50起。另外非常受歡迎的粉紅色、粉藍色和紫色系列特別於活動內限量推出！是次開倉買滿指定金額可換購指定產品，如買滿$500加$80可換購陶瓷心形小鍋子。另顧客憑發票正本於購物當日現場換領10%回贈的現金劵，回贈適用於Le Creuset全線專門店。
邀請卡的圖案已經告知大家有甚麼貨品，有之前搶手的「蘋果焗盤」外，各位貓狗奴要留意，新出Coastal Blue寵物糧兜，上次有粉紅色及綠色，而寵物碗一直限日本出售，今次首次出現於開倉。另有早餐碗、鑊等等都是開倉熱賣產品。
限45分鐘選購
提提大家，今日（9月6日場次）需有邀請卡先入場，據說開放予名人、傳媒、Blogger、合作夥伴等等，有人稱為「vvip」場次，而先前有登記者就會收到email邀請卡參加（9月7及8日場次）「vip」場次，每位持卡人可另帶2位朋友進場，即1卡共3人，每次選購時段為45分鐘，每個時段之間會有30分鐘的時間補貨，而至9月9至12日（星期六至二）開放予公眾，無需邀請卡亦可入內。
排隊入場前可畀$20按金借用購物袋，一入到會場，見到大螢幕計時中，VIP及公眾場每個時段限時45分鐘，有買真係趁手啦，時間飛逝！小編過往出席過往開倉，次次都「嘩」一聲，見各位入場人士準備十足，先掃走一堆目標貨再揀選，提提大家，由於開倉貨不設退換，記得留意多唔多氣孔、厚油、黑點、上色不均等問題。此外，於場內購物，可獲得「南瓜排骨煲仔飯」、「原味蒸魚」食譜咭各一張。
精選貨品
蘋果形鑄鐵焗盤，前2次開倉曾經出現，但數量少。 $980
Red陶瓷迷你蘋果造型小鍋子 ，非常可愛！$180
Dijon陶瓷粟米造型盤 $180
22厘米圓形淺身鑄鐵鍋 $1,140
26厘米圓形淺底鑄鐵鍋 $1,700
24厘米無蓋鑄鐵深炒鍋 $1,100
26厘米圓形鑄鐵燒烤盤 $750
多用途容器連碟，又稱「早餐碗」 $140
Light Purple陶瓷中式匙四件裝 $260
Coastal Blue陶瓷寵物糧食儲存容器連小鏟子 $300
Coastal Blue陶瓷寵物糧食碗 $150
Satin Pink陶瓷迷你醬汁小鍋子 $90
Milky Pink陶瓷儲存容器 $180
滿額換購
買滿指定金額可以換購精選產品，滿$500加$80可換購陶瓷心形小鍋子。
滿$500加$90可換購15cm陶瓷碗
滿$500加$280換購陶瓷杯200ml連托碟兩件裝
滿$1,000加$550可換購Flame 18cm鑄鐵醬汁鍋
滿$1,000加$900可換購Flame 花形鑄鐵鍋
滿$2,500加$180可換購Chiffon Pink陶瓷餐巾座
買滿HK$2,500加$180，即可換購Chiffon Pink或Lavender 陶瓷花盆
價目表
價目表展示開倉所售的全部貨品及價錢，去之前要花時間睇睇以下3張圖表，做足功課睇下有咩心水！
購滿指定金額所換購的產品，就在結帳處換購，數量及款式有限。
開倉須知及攻略
每次Le Creuset，粉絲們都會蜂擁而至，睇熟呢個開倉須知及攻略，到時就可以把握時間啦！
-持卡人可帶2位朋友進場（即1卡共3人），被帶的朋友需先作登記才能進場
-必須憑邀請函作Mega Sale進場之用，建議用電話cap 圖展示QR Code或列印出來
-同色同款之產品，每位顧客於每時段只限購買最多3件
-必須按「排隊籌」之次序入場，不可選擇逗留並等候至下一時段入場，不依次序入場之顧客，將視作放棄入場，並需要重新排隊領取「排隊籌」
-每張卡可以重覆使用，認卡不認人，今天去完，第二日可以再去
-如果跟朋友一起前往，宜事前想好購買甚麼水心貨，一起幫眼購買
-留守最後執「雞」，有時貨品被放棄而隨手遭放置，可留意不同位置，亦可開口問職員心水貨在哪位置
-排隊人多時間長，宜帶備水、少量食物、充電裝置、傘等等
-不建議孕婦或攜同小朋友前往
– 宜事前做功課留意價格，並看看家中LC系列，有需要才購買啊！
Le Creuset 開倉詳情
日期：9月7至8日（持邀請卡人士）；9月9至12日（開放給公眾）
時間：9:30am-7pm
地點：香港銅鑼灣怡和街88號富豪香港酒店低層1樓富豪廳（銅鑼灣地鐵站F出口）
備註︰如果想下次開倉收到邀請卡，大家可以到LC香港官網Newsletter Subscription登記資料，下次開倉就有機會收到邀請卡啦；一切價錢及資料以當日開倉為準
