Sanrio積木登陸7-11！Hello Kitty/Melody/玉桂狗/布甸狗店舖造型＋蠟筆小新
廣告
Sanrio積木｜疫情之下留喺屋企時間耐咗，好悶冇嘢做？7-11推出多款Sanrio同埋蠟筆小新積木，大家可以同小朋友砌下積木，可以kill time仲可以裝飾下家居！已經推出咗啦，大家一齊睇吓幾錢同埋有啲咩款啦～
Sanrio積木｜蠟筆小新野原新之助造型積木（坐款） $62
Sanrio以外亦有蠟筆小新積木，一共兩款，一款企起身一款坐係度。坐定定嘅野原新之助造型積木有不同的小配件，例如沙槌同書本等。而面部係一塊完整件，保留小新圓圓嘅面珠，大大增加可愛度。
Sanrio積木｜蠟筆小新野原新之助搞怪造型積木（企款） $62
企起身嘅野原新之助搞怪造型積木，同樣還原小新可愛面形，仲跳緊佢嘅招牌「扭屁屁舞」，超得意。每款約150-200塊，拼砌完成約8-10cm高。
Sanrio積木｜SANRIO系列店舖造型積木 $139
SANRIO系列店舖造型積木一共四款，包括Hello Kitty摩登時裝店造型積木、 Melody甜蜜雪糕屋造型積木、玉桂狗夏日椰子冰甜品店造型積木、布甸狗閃閃布甸甜品店造型積木，款款配有手袋、小蛋糕、雪糕等精緻配件。四款街景系列可以扣埋一齊，小小積木車就可以隨意穿梭其中，每款約350-400塊，拼砌完成約10-14cm高。
Hello Kitty摩登時裝店造型積木
Melody甜蜜雪糕屋造型積木
玉桂狗夏日椰子冰甜品店造型積木
布甸狗閃閃布甸甜品店造型積木
撰文：Billie、資料來源：7-11圖片來源：7-11
