Coffee林芊妤首晒婚紗相 陀B五個月照樣弗爆出鏡

撰文：Chloe| 圖片：林芊妤instagram

Coffee林芊妤首晒婚紗相 陀B五個月照樣弗爆出鏡

就喺稍早前，Coffee喺個人社交網上載咗與老公的婚紗相，圈外老公正面相首度曝光。Coffee以陀B五個月身形出鏡，不過佢唔講，根本都冇人知佢真係有咗BB。早前在接受媒體訪問時，Coffee表示自己由21吋變成了25吋，已經肥了好多。五個月依然維持住25吋纖腰，令一眾網民都嘖嘖稱奇！

林芊妤Coffee陀B想玩籃球機

早前宣佈懷孕的藝人林芊妤（Coffee），依然不時在IG上晒小蠻腰，每日做運動同瑜珈。日前Coffee去機鋪玩藍球機，本來一心想玩大人版藍球機，但擔心大動作跳起投籃會影響BB，Coffee唯有改玩小朋友版籃球機，仲留言話：「睇我幾乖」。

已經陀B四個月嘅Coffee，不時都著住運動裝晒小蠻腰，但仍然未見肚。

林芊妤Coffee陀B照玩跑步機 晒零孕味身材

近日，陀B四個幾月的Coffee就去咗旅行，並於個人社交網上載多段短片，其中一段片中，見佢喺跑步機上慢行，而未有快跑。

但Coffee全副「武裝」上陣，面帶笑容嘅佢着住一身運動裝，大晒驕人事業線，兼露出一大截小蠻腰！

身材弗爆嘅Coffee繼續唔見肚。

林芊妤大騷纖腰

而另一段短片中，Coffee就話自己着到以前着唔落嘅短褲，其後更拉起上衣大晒肚皮，但仍見腹肌依舊存在！

雖然話著得番以前著唔落嘅短褲，但望住Coffee又唔覺佢身形有任何變化。

林芊妤大哂幸福

2016年時公開與圈外男友翟志榮(Weng)的戀情，兩人拍拖以來一直感情穩定，雖然準老公一直未有露面，但早前Coffee就上載咗張二人甜蜜pre-wedding嘅相，仲留言話：「真實的生活其實很平淡，遇到能令你每天笑著過的人，就要好好珍惜眼前人。」

林芊妤手戴婚戒

其後，佢更分享咗張手戴鑽戒嘅相片喺個人社交網上，大哂即將做人妻嘅期待同幸福感，唔知張相係咪出自準老公之手呢？

林芊妤胎教影響強勁 超聲波相見BB做瑜伽

就喺稍早前，Coffee喺個人社交網上載咗張BB超聲波相，可能媽咪胎教太有效，令到bb喺媽咪肚入面都識得做瑜伽！喺相中見到，就算bb而家只得4個幾月大，但就已經腳仔長長，仲要做出一個類似「打關斗」嘅姿勢，真係遺傳哂媽咪熱愛做瑜伽嘅基因！

林芊妤陀B仔

Coffee之前接受傳媒訪問，表示今次雖然係意外懷孕，不過佢自己同準老公都好開心，雙方家人都好高興。Coffee預產期為11月，而且已經知道BB係男仔，不過佢就話自己鍾意女仔多啲！

大肚教瑜伽

Coffee一向喺社交網站十分活躍，經常上載靚相大晒弗爆身材，之前佢戴住口罩自拍，表示病咗仍繼續教瑜伽班，難怪bb都一樣咁勤力，而家喺肚都會同媽咪一齊做瑜伽。