去濕消水腫 四物湯
廣告
想去濕 、消水腫？最好飲四物湯！最近呢排開始有毛毛雨，加上濕度又高咗，唔知大家有無感覺個人好似攰咗。一講起四物湯，都相信大家都一定有聽過，依家市面上都有唔少產品，例如有黑糖四物飲等等，其實上四物湯男士都飲得，煲一次就可以夫婦兩個一齊飲。
資料、圖片來源：祖祖媽、新傳媒集團資料庫| 編輯：Sunday Kiss
去濕消水腫 四物湯
湯水功效主要係去濕排水、去水腫。茯神用於痰飲、水腫、小便不利、泄瀉、心悸、眩暈。茯苓皮，利水消腫，用於水濕浮腫等症。白朮主治健脾益氣，燥濕利水，止汗，安胎。用於脾虛食少，腹脹泄瀉，痰飲眩悸，水腫，自汗，胎動不安。黨參具有補中益氣，健脾益肺之功效。有增強免疫力、擴張血管、降壓、改善微循環、增強造血功能等作用。炙甘草可補脾和胃，益氣復脈，用於脾胃虛弱，倦怠乏力，心悸。
去濕消水腫 四物湯材料
- 瘦肉 半斤
- 茯神
- 白朮
- 黨參
- 炙甘草
去濕消水腫 四物湯做法
- 先洗淨所有材料。
- 瘦肉先汆水等白色物質浮出嚟攞起，備用。
- 待燩盅的水滾後，將所有材料放燩盅開大火煲。
- 大火燩2小時即成。
去濕消水腫 四物湯小貼士
- 我哋燩的時候，大概每30分鐘望一次加一加熱水。燩嘅時候要小心注意煲入面嘅水量，小心煲乾水。
- 呢款湯水係藥材為主，所以如果唔係好鍾意藥味湯嘅朋友就要先諗諗煲唔煲。
- 此湯水及材料只供參考，療效因人而異，個別體質需先咨詢中醫。
資料、圖片來源：祖祖媽
