因MIRROR一人心痛到喊 花姐望畀機會Jeremy?笑柳應廷跳舞唔好睇
上集:花姐爆姜濤用不太健康方法瘦身+窩心行為令她撐住 揭Edan真面目 遭鏡粉鬧爆
中集:MIRROR分上下弦?花姐不覺邱士縉好歌喉 AK最體貼 爆Tiger與Ian才能+性格
MIRROR3子最大改變 Jeremy漸漸放開自己
鏡粉在電台節目問到12子經過幾年的洗禮後誰有最大的轉變,花姐一開首說邱傲然Tiger有很大的轉變,及後指李駿傑Jeremy也有改變,但綜藝節目仍是呂爵安Edan較為勝,更反問鏡粉覺得李駿傑比起以前有甚麼改變的地方。鏡粉稱:「佢(李駿傑)以前個人比較靜啲同埋比較收埋啲自己,我覺得佢依家open咗,肯同其他人分享同埋起碼大家知道佢嘅性格原來咁好嘅。以前啲人覺得佢個樣比較靜態啲,但佢根本就係一個超級暖男,好有條理嘅人。」
![MIRROR](https://imgs.sundaykiss.com/wp-content/uploads/2022/06/2e353d3c-f22c-4860-816f-48b34fb5ce5f_939988387629db88592516-1024x1020.jpg)
花姐望公司畀機會Jeremy同Alton
另一位粉絲問李駿傑接下來會不會有其他作品面世,花姐對此表示:「梗喺有啦,佢喺今年新人,6月會出第二隻歌,今年會有三隻歌,希望佢有機會可以角逐新人獎。」粉絲指偶像的作品得到很大迴響,又問到李駿傑和王智德Alton今年兩個solo得到很大迴響,會不會有season 2,花姐則表示:「呢樣嘢唔喺我決定㗎,希望公司畀機會啦!」
![MIRROR](https://imgs.sundaykiss.com/wp-content/uploads/2022/06/screenshot-2022-06-05-at-11.13.31-pm_2129915029629cca84cdd15.png)
讚Lokman光宗耀祖 花姐:心痛到喊!
花姐指希望未來可以12位成員一起演出歌舞劇,將唱歌、跳舞融入其中。粉絲追問花姐知道楊樂文Lokman接到電影之後的反應,花姐一開始笑稱不知能否分享,但仍滿足粉絲提問指:「一開始知道有呢套電影casting嘅時候我喺超興奮,因為杜琪峯喺我兒時好喜歡嘅導演,如果我啲仔可以拍得到就有好大機會。」又指出casting不知楊樂文參加,更有其他成員也參加了,但過程很艱難。當自己知道楊樂文有機會演出這套電影時:「覺得呢個仔終於光宗耀祖啦!」也表示自己有去探班,導演十分認真,楊樂文在片場也十分緊張,而有一場自己更是「睇到喊,心痛到喊。」並希望鏡粉到時要支持這套電影。
花姐爆Jer下年想做唱跳歌手:佢跳舞係唔好睇
其後有「柳柳粉」(柳應廷Jer粉絲名稱)問柳應廷Jer會不會有自己的演唱會,花姐笑稱:「唔會令大家失望嘅!」指柳應廷今年的計畫排滿了,已經「塞唔落」,希望接下來的時間讓單飛的成員做單飛的工作,例如演唱會、個人唱片等:「呢啲都係我哋計畫入面,計畫咋,我地無應承大家。」
![MIRROR](https://imgs.sundaykiss.com/wp-content/uploads/2022/06/screenshot-2022-06-05-at-11.14.34-pm_247397014629ccaeb91a9d.png)
再提到柳應廷時,花姐表示:「佢真係唔係一個跳唱歌手啦,喺MIRROR入面佢都令人好難受嘅,雖然好有力跳舞、好辛苦。我見佢每一次排MIRROR嘅歌都會尖叫!跳舞對柳應廷來講喺吃力嘅,但係佢唱歌真喺好好聽。佢啱啱出嗰隻歌,我聽佢嘅未mixing版本都真喺聽到喊。」她給予柳應廷極高的評價,覺得他的才華不應該被浪費:「佢應該擁有自己嘅演唱會,令佢嘅歌聲比更多人聽到,好像想佢上到紅館。」又希望柳應廷能出一隻有message給其他人的唱片。因為柳應廷不擅長跳舞,所以後來花姐與「柳柳粉」說到跳舞話題時更搞笑,大爆:「佢係叻咗好多,但你要承認佢跳舞係唔好睇嘅,佢話自己下年要做跳唱歌手哈哈哈哈,想喺演唱會度試吓跳舞。」
另外「皮寶寶」(陳瑞輝Frankie粉絲名稱)問偶像完成拍攝後會不會參與綜藝節目,對此花姐表示陳瑞輝Frankie仍有另一套劇拍攝,而綜藝節目則未有計畫,要待完成劇集拍攝後再做打算。
![MIRROR](https://imgs.sundaykiss.com/wp-content/uploads/2022/06/6c0b9091-afb6-4b14-923b-6073d4d8de60_247535891629db83c3f5f0-844x1024.jpg)