韓國遊客真心推介13款香港手信！竟然係呢幾樣 ？
廣告
「去旅行，買手信」一定是出國的指定動作，而香港人到韓國這個美妝天堂就必定是購買化妝品、護膚品作手信，而且韓國更有出品不少本土零食，供港人買來派手信，而大家又知不知道韓國人來香港旅行又喜歡買什麼手信呢？韓國資訊網站 Dingo Travel 就為大家篩選了 13 樣韓國人到港時必買、價錢又抵的手信，齊齊力捧本土品牌！
1.口味多多 Lipton奶茶粉
韓國人好鍾意飲茶，山長水遠來到香港，當然要買定奶茶返屋企做存貨！Lipton奶茶粉有咁多隻味，一於買晒返去 ！
【友和限時優惠】即減30% 飛利浦 Philips ADD6910 RO 即熱式純淨飲水機 香港行貨 HK$1960
【友和限時優惠】即減50% 飛利浦 Philips ADD5910M 即熱式純淨飲水機 香港行貨 HK$860
【友和限時優惠】即減50% 飛利浦 Philips ADD5910M 即熱式純淨飲水機 香港行貨 HK$860
2.旅遊常備 保濟丸
細細粒，易入口又易買到，真係有唔舒服，遍地藥房都即刻搵到，識貨！
3.棚牙點都要夠靚 黑人全亮白竹炭深潔牙膏
韓國人飯前飯後都習慣刷牙，一日刷幾次，至緊要夠白夠靚。呢隻美白牙膏有效又大支，唔怪得要買定返韓國！
4.通鼻塞、暈浪都使得 和興白花油
有韓國遊客就話白花油好神奇，通鼻塞、暈浪都使得，仲話跌親塗完都精神番。
5.港式口味帶回家 大排檔奶茶
佢哋真係好鍾意飲茶，香港口味通通都鍾意，要買！
6.食都要食得夠可愛 Hello Kitty 杯麵
影相要可愛，著衫要可愛，韓國人連食都講究美觀可愛。Hello Kitty魚片嘅杯麵成為佢哋香港食物的可愛之選！
7. 空氣差？唔怕！曼秀雷敦爽鼻通
爽鼻通噴霧，香味清新又可以改善鼻敏感問題，係韓國遊客嘅真心推介。
【友和限時優惠】即減32% IRIS OHYAMA 愛麗思IC-FAC11 (FAC3最新版) 超輕量除塵蟎吸塵機 香港行貨 低至 HK$681
8.用佢修護受損肌膚 Vitacreme B12 瑞士B12亮顏喚膚霜
缺乏維他命B12有機會易抑鬱又易貧血，既然吸收未必足夠，韓國旅客就鍾意買呢隻慢慢塗，又可以護膚，正。
9.暖暖胃、補補身 Ranong 薑茶
雖然係泰國出品，不過韓國人就鍾意來香港買，估唔到薑茶咁出名 ！
10.紓緩胃痛良藥 我可舒適Alka-Seltzer
出門最驚就係自己食錯嘢，傷咗個胃痛到冇晒心情！不過韓國人就唔怕，喺香港一沖我可舒適飲，好番晒。
11.揚名國際本土靚茶 明茶花飲
「明茶房」係100 %本地設計，除咗韓國人識之外，仲連美國奧斯卡獎都用過佢哋嘅靚茶招待，你又點可以唔支持？
12.沖奶茶必備 黑白淡奶
韓國網民欣賞黑白淡奶，原因係話將呢個奶落喺咖啡同奶茶入面，就可以即刻變成香港style ，喺屋企都感受到香港茶餐廳嘅味道。原來又係關茶餐廳事，難怪！
13.除咗辣味，公仔麵仲有好多隻味
喺韓國買包公仔麵，唔係辣味就係芝士辣味，難怪韓國人到港見到林林總總嘅出前一丁口味，都要大買特買！
韓國人到港時必買什麼手信？
大家又知不知道韓國人來香港旅行又喜歡買什麼手信呢？韓國資訊網站 Dingo Travel 就為大家篩選了 13 樣韓國人到港時必買、價錢又抵的手信，當中最估唔到的是…詳情請看
韓國人必買什麼香港本土零食？
影相要可愛，著衫要可愛，韓國人連食都講究美觀可愛。有一本土杯麵…詳情請看
圖片來源：FB@lipton、FB@保濟丸、FB@Darlie Hong Kong、www.whiteflower.com、www.kampery.com.hk、曼秀雷敦官網、amazon、FB@MingCha Tea House、FB@至愛黑白淡奶 I ♥ Black & White、出前一丁
