煎年糕做法7個必學技巧｜無油都煎到香脆表面＋唔燶唔黐底！新年零失手
廣告
煎年糕 技巧你知嗎？很多人愛吃年糕，如蘿蔔糕、馬蹄糕、芋頭糕、黃金糕，尤其是過年，更是招呼親戚朋友的最佳食品，老幼咸宜。不過煎年糕話易不易，話難不難，煎到黐底，搞到支離破碎，真是不好意頭又失禮人。究竟如何煎出一碟完美年糕呢？另外想加蛋煎年糕，以及煎馬蹄糕原來都有學問，只要記住以下幾個小秘訣，節日招呼親友又可顯身手了。
煎年糕7個必學技巧
厚切半寸｜不應貪快一刀切｜熱鑊熱油｜用中火煎蘿蔔糕
應只翻轉煎一次｜叮完先好煎年糕｜撲完薄粉先煎馬蹄糕
煎年糕技巧1. 厚切半寸
年糕最好預先放入雪櫃雪過夜，切糕時千祈不應切得太薄，因為太薄會好易黐底，想翻轉件糕又會好易爛，半寸就最perfect。
煎年糕技巧2. 不應貪快一刀切
切糕時不應貪快一刀切，要用拉鋸方法切開，蘿蔔糕裡面較硬的餡料難一次性切開，如果一刀切落去，件糕就會好易爛。
煎年糕技巧3. 熱鑊熱油
好多人以為想煎年糕不黐底，最重要是油夠多，其實大錯特錯。想煎年糕煎得靚，個鑊一定要燒得夠熱，再落少少油。等油均勻流遍鑊面之後，先將糕放落鑊。如果用易潔鑊，就不需要太多油了。如果想完全無油煎蘿蔔糕，可考慮先放牛油紙落白鑊，直接放蘿蔔糕，再用中火慢慢煎蘿蔔糕。由於蘿蔔糕本身有油分，就算不落油都可煎出焦脆的效果。煎蘿蔔糕後鑊面依然潔淨，方便清洗。
煎年糕技巧5. 應只翻轉煎一次
煎年糕一定要有耐性，不需要經常翻轉煎，煎完一邊約三分鐘，再煎另一邊。如果經常翻轉年糕，會好易黏在一起。煎蘿蔔糕經常翻轉煎，就好易散開。
煎年糕技巧6. 叮完先煎年糕
很多人話年糕易黐底又易燶？其實只需在年糕落鑊前，將切好得年糕擺入微波爐，注意不要疊放年糕，然後加熱約半分鐘，就可令年糕變軟，最後再落鑊煎至表面金黃色即可。年糕記得要逐件放落鑊，還要把年糕分開放，否則會黏在一起。而且最好用細火煎，翻糕時可用匙羹輔助，避免一推就就黏在一起。
煎年糕技巧7. 撲完薄粉先煎馬蹄糕
因為馬蹄糕沒有硬的餡料，所以毋須以拉鋸方式切糕。只要在馬蹄糕上撲一層薄粉煎，就可以煎出外層金黃微脆，內裡爽脆清甜的效果。撲粉後，可先放雪櫃數小時，待吃時才取出煎，非常方便。此外，若將糕切成粒狀，加蓮子、百合、紅豆等中式糖水料，配黑糖同煮便可成為創意糖水。
記住以上小秘訣，要煎一碟好食又見得人的年糕就沒有難度！
撰文：Sunday Kiss圖片來源：新傳媒圖片庫、SHUTTERSTOCK
